Fréttir

15 Febrúar 2010- Frábærar nýjungar í kerfinu

Ýmsar breytingar hafa verið uppfærðar í kerfið á undanförnum mánuðum.

Mikilvægasta viðbótin er þó sú að nú geta notendur Íslandsbanka, lesið inn allar færslur úr bankabók, og látið kerfið stinga upp á jöfnun milli kerfis og bankabókar. Þegar færslur hafa verið jafnaðar má láta kerfið svo stinga upp á færslum fyrir allt það sem út af stendur inn í dagbók. Að auki getur kerfið stofnað lánadrottna og viðskiptamenn beint frá innlestri úr bankabók hafi aðili í banka ekki verið stofnaður í Notando.is. Einnig geta notendur nú gert greiðsluseðla beint frá sölureikningum og stofnað þá inn í bankakerfið. Að sama skapi er hægt að lesa þá tilbaka beint inn í kerfið.

Þessi viðbót mun létta gríðarlega hjá öllum þeim sem eru að bóka í Notando kerfið og setur þetta í fremstu röð kerfa fyrir bæði fyrirtæki og bókara.

http://www.youtube.com/notandois

Sem stendur er þessi viðbót bara fyrir Íslandsbanka en næst verður Landsbankanum bætt við og svo Byr/Sparisjóðunum og að lokum Kaupþingi.

Aðrar nýungar í kerfinu eru t.d.:

1. Bílahlunnindum bætt í launakerfi
2. Hægt er að breyta efni netpósta sem kerfið sendir til viðskiptavina notenda
3. Söluskilmálar á reikninga sem geta verið almennt eða sértækir per viðskiptavin
4. 3” útprentun sölureikninga fyrir minni verslanir sem nota hitaprentara
5. Hægt er að úthluta kostnaði (dagbókarfærslum) á innkaup
6. “CTRL – Enter” bókar í dagbókarfærslum (gamalt en gott að vita)
7. Ef verð vara eru skráð í mismunandi gjaldmiðlum geta viðskiptavinir í vefverslun valið gjaldmiðil í felliglugga.
8. Öll tilboð og ógreiddir reikningar sem send eru úr kerfinu eru nú með greiðsluslóð svo viðskiptavinur geti greitt með korti. Þetta má fjarlægja í netpóstastjórnun.
9. Innkaup og sala á birgðum og fjárhagsfærslur vegna þess færist nú á mismunandi reikningslykla í stað þess að vera aðgreint á sama reikningslykli

Allar ofangreindar nýjungar eru innifaldar í grunnáskrift kerfisins.

12 Okt 2009 Kennsluefni á YouTube.com - Fullt af kennslmyndböndum fyrir Notando kerfið hafa nú verið sett á YouTube. Meðal annars er kennt að gera reikninga, taka á móti greiðslum, stofna vörur og fullt fleira. Endilega kíkið á http://www.youtube.com/notandois.

7 Sept 2009 - Nýir notendur verða nú með fullt af fleiri hlutum foruppsettum í kerfinu. Þar á meðal má nefna um 17 flýtifærslur til að flýta fyrir og einfalda bókfærslu. Foruppsettum frádrætti vegna Opinberra gjalda og Meðlags í launum. Þetta og ýmislegt fleira einfaldar málin fyrir notendur að nota Notando kerfið.

15 Júlí 2009 - Uppfærður launaútreikningur vegna skattbreytinga Launakerfi hefur verið uppfært til að taka til greina 8% hátekjuskatt sem settur var á frá og með Júlí. Þannig er núna bætt við 8% staðgreiðslu á öll laun umfram 700.000 kr. á mánuði. Samskonar útreikningur er framkvæmdur vegna vikulegra launa. Þessi útreiknaða staðgreiðsla skilast svo sjálfkrafa til RSK með öðrum tölum.

12 Júlí 2009 - Nú er hægt er að setja upp sendingarkostnað í vefverslun m.v. þyngdir eða stærðir. Þannig kostar pakki t.d. 200 kr. m.v ef vörur vega samtals undir 1 kg en 300 kr. ef pakkningin er milli 1 - 1,2 kg.

5 Júlí 2009
Allar vefverslanir hjá okkur geta nú tekið á móti kreditkortagreiðslum með því að gera samning við Borgun, Áhugasamir vinsamlega hafið samband við söludeild Borgunar í síma: 560 1600 og látið svo okkur vita.

19.01.2009 Uppfærsla á kerfinu
Eftir margar frábærar tillögur frá notendum kerfisins höfum við gert uppfærslu á því. Reikningagerð, og dagbókafærslur eru til dæmis orðnar mun einfaldari. Þá geta notendur notað flýtifærslur til að einfalda lífið en frekar enda byggir bókhald mikið á að verið er að gera sömu færslur en bara með mismunandi upphæð og dagsetningu.

02.04.2008 Notando bókhalds, launa og vefverslunarlausnin er tilbúin í beta útgáfu
Eftir margra ára þróun er lausnin loksins tilbúin í beta útgáfu og geta nú fyrstu notendurnir skráð sig hjá okkur. Fjöldi manns er til staðar til að leysa strax úr málum ef einhver koma upp til að gera reynslu nýrra notenda sem besta.

02.05.2007 Dótturfélag stofnað í Ukraníu
Notando hefur stofnað dótturfélag í Ukraníu, en byggir það á starfsmönnum sem hafa verið viðkomani fyrirtækinu í nokkra mánuði. Núna starfa þar 9 manns sem vinna að Notando lausninni auk þess að hafa gert lausnir fyrir viðskiptavini Notando.

01.12.2007 Gámaeftirfylgnilausn (gámalausn) er afhent Hringrás
Hringrás hafði leitað um þó nokkurt skeið að lausn sem það gæti notað til að fylgjast með gámunum sínum enda hver gámur mörg hundruð þúsunda króna virði. Fáar lausnir voru til staðar og engar sem hentuðu. Notando leysti þetta verkefni og hefur nú afhent lausn sem uppfyllir öll þeirra skilyrði. Þessi lausn stendur öðrum fyrirtækjum til boða.